Дводневната воведна обука  за новите занимања во секторот на обновливи извори на енергија се однесуваа на хибридните фотоволтаични и термални колектори. По претходната анализа за потребните вештини во секторот на обновливи извори, која ги адресираше новите работни профили во оваа индустрија како и вештините потребни за овие профили (занимања), беа идентификувани  два профили и тоа: Инсталатер, монтер и опслужувач на хибриден фотоволтаичен и термален колектор и Инсталатер, монтер и опслужувач на фотоволтаичен панел за кои се креираа соодветни стандарди на занимања и програми.

• Содржини кои се опфатени во овој дел се однесуваат на основите на термалната енергија и блок дијаграми; Се разгледуваат видовите на соларни колектори, структурата на работа и нивната ефикасност.  Физичка сигурност при работа – технички услови во соларниот систем  (искуства од Словенија); Други содржини кои се споменуваат се и топлински акумулатори, капацитет, губитоци; Елементи на соларниот термален систем: пумпи, експанзионен сад, сигурносен вентил; Соларни термални системи; термосифонски, стандардни соларни системи под притисок, “drainback” системи и слично.
• Во овој дел се учесниците се запознаа со приборот за инсталирање на сончеви системи и мерките за претпазливост при инсталирање на сончеви термални системи; Воедно се презентираа видовите на инсталирање на сончеви системи на рамни и коси кровови, пуштање во работа, контрола на сончев систем после пуштањето во работа и мерна опрема, (гостин презентер Зоран Трајков, директор на Еко солар, Македонија)

Меѓународен центар за трансфер на знаење, Љубљана, Словенија

„Обуката имаше јасна претстава која е целта, и најважно кои би биле придобивките за компаниите од темите обработени од страна на докажани експерти од соларниот сектор. Посебен впечаток ми остави интеракцијата за време не предавањата како и пристапот на кој беше објаснет целиот материјал. Одлична организираноста на обуката, теоретски и практичен пристап од обучувачите кои несебично го споделуваа нивното знаење со нас со фокус на реални проекти и реални ситуации. Сигурен сум дека многу разговарани сегменти ќе бидат применливи и во секојдневното наше работење.“

Стефан Трајков, дипл. машински инженер, Еко Солар

 Дневен ред за работилница